ई–आर्थिक, काठमाडौँ । मानव अधिकारका लागि महिला, एकल महिला समूहले आवासगृह सञ्चालन गर्ने भएको छ । संस्थाले पत्रकार सम्मेलन गरी रजत जयन्तीको अवसरमा सुरक्षित सेवा गृह सञ्चालन गर्न लागेको जानकारी गराएको छ ।
श्रीमान्को मृत्युपछि एकल जीवन बिताउँदै आएका महिलाका लागि लक्षित गरी सञ्चालनमा ल्याइने उक्त आवासगृह
काठमाडौँ महानगरपालिकाको हात्तीगाँैडामा निर्माण गरिएको छ ।
उक्त भवन आगामी शनिबार राष्ट्रपति विद्यादेवी भण्डारीले उद्घाटन गर्ने कार्यक्रम रहेको छ । २५ वर्षअघि एकल महिलालाई कोठा भाडामा दिनसमेत हिचकिचाउने गरेको संस्थाका अध्यक्ष लिलि थापाले जानकारी दिइन् ।
‘अहिले सबै जिल्लामा एकल महिला सङ्गठित भइसकेका छन्’, उनले भनिन् । एक लाखभन्दा बढी महिला सङ्गठित भएर आत्मनिर्भर बन्नुपर्ने थापाको भनाइ छ । रजत जयन्तीको अवसरमा संस्थाले स्वास्थ्य शिविर र सांस्कृतिक कार्यक्रमसमेत गर्ने जानकारी दिएको छ ।