ई–आर्थिक, काठमाडौं : के.एल दुगड समूहले चनाको सत्तू नेपाली बजारमा उपलब्ध गराएको छ । सो समूहले गर्मीको समयलाई मध्यनजर गर्दै ज्ञान ब्राण्डको नामबाट उक्त आफ्नो नयाँ उत्पादन बजारमा उपलब्ध गराएको हो । यो सत्तु हाल यो ५०० ग्रामको प्याकमा उपलब्ध रहेको छ ।
ज्ञान चनाको सत्तू उत्कृष्ट गुणस्तरको चनाबाट अत्याधुनिक मेसिनद्वारा भुटि, पिसि मेटालिक प्याकेटमा प्याक गरिएको उत्पादक कम्पनीले जानकारी दिएको छ । ज्ञान सत्तूलाई पानीमा घोलेर स्वादअनुसार विरेनून वा साधानून, कागतीको रस, भुटेको जिरा राखी एक प्रकारको इनर्जि ड्रिङ्कको रुपमा सेवन गर्न सकिन्छ । त्यसैगरी पानीरदुध सँग घोलेर बाक्लो हलुवाको रुपमा पनि यसलाई खान सकिन्छ ।
विभिन्न स्वादिष्ट मिठाई तयार गर्न पनि यो सत्तु सकिने छ । पेट र पाचनको लागी राम्रो आहार हो । गर्मीको मौसममा यसको सेवनले शितलता प्रदान गर्नुका साथै शरिरमा स्फूर्ती प्रदान गर्दछ ।
ज्ञान सत्तू एक स्वच्छ, स्वादिष्ट तथा पौष्टिक आहार हो । जसमा प्रोटिन प्रचूर मात्रामा पाईन्छ । यसमा नून, चिनी तथा कुनै प्रकारका वास्ना वा खाद्य परिरक्षी नमिसाएको कम्पनीले जानकारी दिएको छ ।