जाकर्ता: इन्डोनेसियाको लम्बोक टापुमा आइतवार अपरान्ह ७ म्याग्निच्यूडको भूकम्प गएको छ। इन्डोनेसियाको उत्तरी तटस्थित लोम्बोक द्वीप क्षेत्रमा शक्तिशाली भूकम्प गएको हो ।
इन्डोनेसियाकको भूगर्भ विभागका अनुसार भूकम्प गएपछि त्यस आसपासको समुद्री तटीय क्षेत्रमा सुनामीको चेतावनी जारी गरिएको छ । सुनामीको चेतावनीसँगै तटीय क्षेत्रका मानिसहरुलाई उच्च स्थानमा सर्न त्यहाँको सरकारी निकायले सर्वसाधरणलाई आग्रह गरेका छन् ।
समाचार अनुसार यो भूकम्प पृथ्वीको सतहभन्दा १० किलोटमिटर (६.२ माइल) तल गएको हो । एक साताअघि गएको अर्को शक्तिशाली ६.२ म्याग्निच्यूडको भूकम्पबाट १७ जनाको ज्यान गएको थियो ।
समाचार अनुसार चर्चित पर्यटकीय द्वी क्षेत्रलाई केन्द्रबिन्दु बनाउँदै गएको भूकम्प मतराम सहरबाट ५० किलोमिटर उत्तर पूर्वमा रहेको छ। यो टापुमा तीन लाख १९ हजार जनसंख्या रहेको छ।