२७ साउन, मनिला । फिलिपिन्समा राजधानी मनिलाबाट दक्षिणी क्षेत्र प्रभावित हुनेगरी शुक्रबार ६.२ म्याग्नीच्युडको भूकम्प आएको छ ।
यस भूकम्पका कारण राजधानी मनिलास्थित भवनहरु पनि हलिएका भू–विज्ञहरुले जानकारी दिएका छन ।
हालसम्म यस भूकम्पबाट भएको मानवीय र अन्य भौतिक क्षतिको कुनै विवरण भने प्राप्त भएको छैन । सो भूकम्प स्थानीय समयाअनुसार शुक्रबार अपरान्ह १ः२८ आएको जनाइएको छ ।
फिलिपिन्सको भू–विज्ञान अध्ययन संस्थानका अनुसार सो भूकम्पबाट तटीय क्षेत्र लिआन बढी प्रभावित भएको थियो ।
फिलिपिन्सको राजधानी मनिलाबाट ७० किलोमिटर दक्षिणमा पर्ने इलाकामा लिआन तटीय क्षेत्रको १७३ किलोमिटर गहिराईमा सो भूकम्पको केन्द्र रहेको बताइको छ ।
फिलिपिन्सका भू–गर्भशास्त्रीहरुले यस भूकम्पलाई ६.१ म्याग्नीच्युडको रहेको बताएका थिए भने अमेरिकी भौगर्भिक सर्वेक्षण संस्था युएसजिएसले यसको मापन ६.२ म्याग्नीच्युड गरेको बताएको थियो ।