२७ साउन, काठमाडौं । नेपाली बजारमा हिजो मात्रै एकै दिन प्रतितोलामा ५ सयले बढेको सुनको मुल्य आज पनि ह्वातै बढेको छ ।
शुक्रबार पनि सुन प्रतितोला थप ५ सय रुपैयाँले बढेको हो । नेपाल सुनचाँदी व्यवसायी महासंघका अनुसार बिहीबार ५४ हजार ९ सय प्रतितोलामा कारोबार भइरहेको सुनको भाउ शुक्रबार बढेर ५५ हजार ४ सय रुपैयाँ पुुगेको हो ।
सुनसँगै चाँदीको भाउ समेत बढेको छ । बिहीबार ७ सय ५० रुपैयाँ प्रति तोलामा किनबेच भइरहेको चाँदीको भाउ बढेर शुक्रबार ७ सय ५५ रुपैयाँ पुुगेको छ । सुन र चाँदीको शुक्रबार कायम मूल्य साउन महिनाकै उच्च हो ।
अन्तर्राष्ट्रिय बजारमा सुनको भाउमा आएको परिवर्तनका कारण नेपाली बजारमा पनि सुन महंगिएको महासंघले जनाएको छ ।