४ असार, कपिलवस्तु । कपिलवस्तुको वाणगंगा नगरपालिका–४ गजेहडामा बम बिस्फोट भएको छ । आइतवार आज नेपाली कांग्रेस र माओवादी केन्द्रको संयुक्त प्यानलको उम्मेदवारी दर्ता भइरहेको समयमा विस्फोट भएको हो ।
प्रहरीका अनुसार घटनामा ९ जना घाइते भएका छन् । घाइते मध्ये तीन जनाको अवस्था गम्भीर छ । घाइते सबैलाई उपचारका लागि बुटवल पठाइएको जनाएको छ ।
निर्वाचन कार्यालयबाट झण्डै एक किलोमिटरको दूरीमा बम बिस्फोट भएको स्रोतले जनाएको छ । बम कसले पड्काएको भन्ने खुलेको छैन । यस बारेमा थप अनुसन्धान भइरहेको प्रहरीले जनाएको छ ।