६ वैशाख, काठमाडौं । बुधबार सेयर बजारमा ‘अन्य’ समुह बाहेक सबै समुहमा हरियाली छाएको छ । यो दिन नेप्से ४९.९८ अंकले बढेर परिसूचक १६६२.०२ विन्दुमा पुगेको छ ।
यो दिन १४२ कम्पनीको १८ लाख दुई हजार कित्ता सेयर एक अर्ब सात करोड १४ लाख रुपैयाँ बढीको सेयर किनबेच भएको छ ।
मंगलबारको तुलनामा बुधबार नेप्से उकालो लागे पनि कारोबार रकममा भने सुधार आउने सकेन । मंगलाबर एक अर्ब ५० करोड ९४ लाख रुपैयाँ बढीको सेयर किनबेच भएको थियो । तर बुधबार नेप्से ५० अंकले बढेपनि कारोबार रकम भने एक अर्ब सात करोडको मात्र भएको छ ।
यो दिन बैंकिङ समूहको ४९.२, होटेल समूहको ८७.२९, विकास बैंक समूहको ६९.५७, जलविद्यूत समूहको ६८.६१, वित्त समूहको १७.७१, बिमा समूहको २९२.६७ र उत्पादन तथा प्रशोधन समूहको परिसूचक ९.४३ अंकले उकालो लागेको छ भने ‘अन्य ‘ समुहको १.१६ अंकले ओरालो लागेको छ ।