३ वैशाख, काठमाडौँ । नयाँ वर्षको पहिलो दिनमा नै बजारमा आएको कारोबारको सबै समुहमा रातो पोतिएको छ ।
नयाँ वर्ष अर्थात २०७४ साल्को सेयर कारोबारमा पहिलो दिन आइतबार शेयर बजार २.६८ प्रतिशतले घटेको छ । जसले गर्दा सेयर लगानीकर्ताहरु निकै निरास बनेका छन् । यो दिन ४५.५२ अङ्कले नेप्से ओरालो लागेर परिसुचक १६५१.६१ बिन्दुमा पुगेको छ ।
बजार खुलेदेखी नै उकालो लागेको नेप्से ११:२० बजे १७०३.३६ बिन्दुमा पुग्न सफल भएको थियो । तर बजार उतारचढाबका साथ अन्तत झरेर १६५१.६१ बिन्दुमा पुगेर घटेको छ ।
सबै समूहको परिसूचक घटेपछि समग्र नेप्से परिसूचक ओरालो लागेको हो । यो दिन १ सय ३५ कम्पनीहरुको ७ हजार ९ सय १६ पटकको व्यापारमा १ अर्ब २१ करोड १५ लाख ४८ हजार ४० रुपैयाको शेयर कारोबार भएको छ ।
बैंकिङको २.७९, होटेलको २.८२, बिकास बैंकको २.५४, जलविद्युत्को १.९१, फाइनान्सको १.१६, बिमाको ३.६४, उत्पादनमूलक कम्पनीको २.६९ र ‘अन्य’ समुहको ०.७२ प्रतिशतले ओरालो लागेको छ ।