२४ माघ, काठमाडौं । नेशनल लाईफ इन्स्योरेन्स कम्पनीले हकप्रद सेयर बिक्री प्रवन्धक नियुक्त गरेको छ ।
कम्पनीले गत मंसिर २९ गते सम्पन्न २८ औं बार्षिक साधारण पारित एक शेयर वरावर एक सेयर (१:१) को अनुपातमा १३२,४८,६३७ कित्ता हकप्रद साधारण सेयरहरु सविकका सेयरधनीहरुमा निष्काशन गर्नको लागि धितोपत्र निष्काशन तथा विक्री प्रबन्धकको कार्य गर्नको लागि एनआईबिएल क्यापिटल मार्केट्स लिमिटेडलाई बिक्री प्रवन्धकमा नियुुक्त गरेको हो ।
कम्पनीको जीवन बीमा कोष रु.१६ अरबको हाराहारीमा पुगेको छ । बीमितहरुलाई प्रतिष्पर्धात्मक एवम् आकर्षक वोनस दर प्रदान गरिरहेको यस कम्पनीले ग्राहक वर्गलाई थप सुविधा दिन नेपाल अधिराज्य भरि आफ्ना शाखा, उपशाखा र सम्पर्क कार्यालय मार्फत आधुनिक तथा उच्च स्तरिय कम्प्यूटर सेवा मार्फत सेवाहरु प्रवाह गरेको छ ।
आ.व.२०७२-०७३ मा कूल रु.३ अरब ८४ करोड बीमाशुल्क संकलन गरेको यस कम्पनीले चालु आर्थिक वर्षमा पनि सन्तोषजनक प्रगति गरेको छ ।