१९ माघ, काठमाडौं । अर्थ मन्त्रालयले आर्थिक विकासका लागि स्वरोजगार बनाउने र रोजगारी सिर्जनाका लागि ठाउँ अनुसारको सिप तयार पार्ने जनाएको छ । जस अन्तर्गत ठूला आयोजनाको कार्यान्वयन, पुनर्निर्माणकमा तिब्रता, स्वरोजगार कार्यक्रमको बिस्तार गर्ने, विभिन्न तालिमहरु दिएर १ वर्षमा ४ लाख ५० हजार श्रमशक्ति बजारमा ल्याउने र रोजगारी दिने योजना छ ।
चालु आर्थिक वर्षमा ६ दशमलब ५ प्रतिशत आर्थिक वृद्धि हासिल गर्ने लक्ष्य अनुसार कार्य अघि बढाएको अर्थ मन्त्रालयले जनाएको छ । मौद्रिक र गैर मौद्रिक उपायद्धारा मूल्यवृद्धि नियन्त्रण गर्न बजारमा प्रसासनिक उपस्थिती बढाएको अर्थसचिव शान्तराज सुवेदीले बताउनुभयो ।
एक इलाका एक व्यवसाय र एक परिवार एक रोजगार तयार पार्न युवा स्वरोजगार कोषबाट ७५ जिल्लामै शैक्षिक प्रमाणपत्रद्धारा ऋण दिने तयारी भएकाले यहि वर्षको चैत्र मसान्तसम्म कार्यान्वयन हुने अर्थसचिव सुवेदीले बताउनुभयो ।