काठमाडौं । नेपाल उद्योग वाणिज्य महासंघका नवनिर्वाचित अध्यक्ष अन्जन श्रेष्ठ सहित पदाधिकारी र सदस्यहरूले शपथ ग्रहण गरेका छन्।
बुधबार आयोजित कार्यक्रममा नवनिर्वाचित कार्यसमितिका पदाधिकारीहरूले औपचारिक रूपमा पद तथा गोपनीयताको सपथ लिएका हुन्।
शपथ ग्रहणसँगै महासंघको नयाँ कार्यसमितिले औपचारिक रूपमा कार्यभार सम्हाल्ने प्रक्रिया अघि बढाएको छ।
उद्योग–व्यवसाय क्षेत्रका सरोकारवाला तथा विभिन्न क्षेत्रका प्रतिनिधिहरूको उपस्थितिमा कार्यक्रम सम्पन्न भएको हो।
