बागलुङ। तमानखोला गाउँपालिका–३ को वडा कार्यालय भवन निर्माण भएको छ । वडाध्यक्ष झकबहादुर बुढा मगरका अनुसार एक करोड ६८ लाख रुपैयाँको लागतमा एउटा सुविधायुक्त सभाहलसहित सात वटा कोठाको तीनतले भवन निर्माण भएको छ ।
सभाहल दुई सय सीट क्षमताको छ । भवनले नौ आना जग्गा चर्चेको छ । निर्माण कम्पनीले भवन हस्तान्तरण गर्नासाथ सोही स्थानबाट सेवा प्रवाह हुनेछ ।
वडा नम्बर १ र २ भाडाको भवनबाट सञ्चालन भइरहेको छ भने वडा नम्बर ६ को भवन निर्माणाधीन छ । वडा नम्बर ४ को भवन बनाउन जग्गा व्यवस्थापन गर्न बाँकी छ । (रासस)