ई–आर्थिक, काठमाडौँ । लोक सेवा आयोगले ठूलो संख्यामा जागिर खुलाएको छ । आयोगले एक हजारभन्दा बढी शाखा अधिकृतका लागि दरखास्त आह्वान गरेको छ ।
आयोगले गोरखापत्रमा एक सूचना प्रकाशित गर्दै राजपत्राङ्कित तृतीय श्रेणी (अप्राविधिक) क्षेत्रका विभिन्न पदमा खुल्लातर्फ ७ सय ६८ तथा बढुवातर्फ ३ सय २८ गरी एक हजार ९६ जना शाखा अधिकृतका लागि दरखास्त आह्वात गरको हो ।
सामान्य प्रशासनतर्फ सबैभन्दा बढी ५६० तथा लेखातर्फ ३०, राजस्व सेवातर्फ ६९, लेखा परीक्षणतर्फ ४२, परराष्ट्र सेवामा ४, न्याय सेवातर्फ ३६३ र व्यवस्थापिका संसद्तर्फ २८ पदका लागि दरखास्त आह्वान भएको गोरखापत्रमा प्रकाशित सूचनामा उल्लेख छ ।
योग्यता पुगेका इच्छुक व्यक्तिहरुले लोक सेवा आयोगको वेब साईड http://www.psc.gov.np/ गई फारम डाउनलोड गरी पुस २९ गते भित्रमा दरखास्त दिन सक्ने पनि सूचनामा उल्लेख छ ।